पडघा (बातमीदार)ः आषाढी एकादशीनिमित्त पंढरपूर येथे जाणाऱ्या वारकऱ्यांना पडघा येथे अन्न, चहाचे वाटप करण्यात आले. पंढरपूर येथे पायी जाणाऱ्या वारकऱ्यांसाठी अन्नछत्र पडघा परिसरातील नागरिकांनी स्वखर्चातून अन्नछत्र सुरू केले आहे. यंदाही पंढरपूर रस्त्यावरील चंद्रमौळी पेट्रोल पंप तोंडले-बोंडले येथे वारीमध्ये सहभागी १९ हजार वारकऱ्यांना अन्न तसेच ३२ हजार वारकऱ्यांना चहाचे वाटप करण्यात आले. यावेळी मंडळाकडून प्लॅस्टिक, थर्माकोलच्या पत्रावळींएेवजी नैसर्गिक पानांचा वापर केला जातो. हा उपक्रम यशस्वी करण्यासाठी शिधा उपलब्ध करुन देणारे शिधादाते, देणगीदार आणी अहोरात्र मेहनत करणारे सर्व सेवेकरी, अन्न शिजवणारे आचारी, बस-टेम्पो चालक -मालक, स्थानिक पोलिस, प्रशासन, कर्मचारी आणी अन्नछत्रासाठी जागा देणारे पंढरपूर रस्त्यावरील चंद्रमौळी पेट्रोल पंपाचे मालक मदनसिंह पताळे यांचे योगदान आहे.