भिवंडी, ता. ६ (वार्ताहर)ः भिवंडीतील एकात्मतेचा राजा असा नावलौकिक असलेल्या धामणकर नाका मित्र मंडळाच्या ३७व्या सार्वजनिक गणेशोत्सव सोहळ्याचा मंडप सजावटीचा शुभारंभ करण्यात आला. या मंडळातर्फे इस्कॉन मंदिराचा १५० फुटाचा देखावा साकारण्यात येणार आहे.
मथुरा उत्तर प्रदेश येथील वृंदावन चंद्रोदय इस्कॉन मंदिराचा भव्य १५० उंचीचा देखावा यंदा गणेशोत्सव सजावटीमध्ये उभारला जाणार आहे. या सजावट देखाव्याचे अनावरण भिवंडी इस्कॉन मंदिरातील सुदाम दास यांच्या हस्ते करण्यात आले. या वेळी सार्वजनिक गणेशोत्सवाचे ३७वे वर्ष असल्याने ३७ नारळ वाढवून भूमिपूजन केले गेले. संस्थाध्यक्ष संतोष शेट्टी यांनी सपत्नीक भूमिपूजन केले. याप्रसंगी भाजप शहराध्यक्ष रवी सावंत, शिवसेना जिल्हाप्रमुख सुभाष माने, भाजप माजी शहराध्यक्ष ॲड. हर्षल पाटील, शिवसेना पश्चिम शहरप्रमुख शाम पाटील उपस्थित होते.
---------------------------------------
पर्यावरणपूरक मूर्तीची स्थापना
शासनाच्या पर्यावरणपूरक गणेशोत्सव करण्याच्या सूचनांचा आदर राखत भव्यदिव्य देखावा साकारला जातो. यंदा मातीची १० फूट उंचीची गणेशमूर्ती गणेशोत्सवाचे वैशिष्ट्य असल्याचे मंडळाचे संस्थापक अध्यक्ष संतोष एम. शेट्टी यांनी सांगितले.