अशोक सराफ मराठी कला क्षेत्रातील कोहिनूर हिरा : एकनाथ शिंदे
वाशी, ता. ६ (बातमीदार) : ‘पद्मश्री अशोक सराफ हे मराठी क्षेत्रातील कोहिनूर हिरा असून ते मराठी कलासृष्टीतील विद्यापीठ आहेत. अशोक सराफ आणि अक्षराचे जादूगार अच्युत पालव या दोघांनी महाराष्ट्राची मान उंचावली आहे,’ असे गौरवोद्गार उपमुख्यमंत्री एकनाथ शिंदे यांनी रविवारी (ता. ६) काढले.
अखिल भारतीय मराठी नाट्य परिषद नवी मुंबई शाखेच्या वतीने रविवारी ऐरोली सेक्टर १९ येथील युरो स्कूलच्या सभागृहात कलासेवकांचा नागरी सन्मान सोहळा कार्यक्रम कार्यकारिणी सदस्य विजय चौगुले यांनी आयोजित केला होता. या वेळी महाराष्ट्रभूषण सिनेअभिनेते अशोक सराफ व सुलेखनकार अच्युत पालव यांना भारत सरकारने पद्मश्री पुरस्कारने गौरविल्याबद्दल उपमुख्यमंत्री एकनाथ शिंदे यांच्या हस्ते त्यांना गौरवण्यात आले. या वेळी खासदार नरेश म्हस्के, अखिल भारतीय नाट्य परिषदचे अध्यक्ष प्रशांत दामले, नवी मुंबई महापालिका आयुक्त डॉ. कैलास शिंदे आदी मान्यवर उपस्थित होते. या वेळी अशोक सराफ व अच्युत पालव यांचे हेरिटेज गाडीमध्ये बसवून वाजतगाजत स्वागत करण्यात आले. एकनाथ शिंदे म्हणाले, की ‘बाळासाहेब आणि आनंद दिघे यांनी कलाकारांच्या पाठीशी उभे राहण्यास सांगितले, त्यानुसार आम्ही कलावंतांचा सन्मान करीत आहोत. जशी राजकारण्यांना जनतेची साथ लागते तशी कलावंतांना प्रेक्षकांची दाद लागते, हेच त्यांचे टॉनिक आहे.’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.