टीसीच्या सतर्कतेमुळे
हरवलेला मोबाईल परत !
मुंबई, ता. ७ : रेल्वे प्रवासात वाढत्या गर्दीमुळे प्रवाशांच्या मौल्यवान वस्तू हरवण्याच्या घटना दिवसेंदिवस वाढत आहेत; मात्र एका महिला प्रवाशाचा मोबाईल टीसीच्या सतर्कतेमुळे तिला सुखरूप परत मिळाला. ठाकुर्ली रेल्वे स्थानकात ही घटना घडली. एक महिला प्रवासी आपल्या कार्यालयीन कामासाठी रेल्वेने प्रवास करत असताना तिचा मोबाईल हरवला. मोबाईल हरवल्याचे लक्षात येताच त्या महिलेने तातडीने ठाकुर्ली स्थानकावरील तिकीट तपासनीस कार्यालयात धाव घेतली. घटनेची माहिती मिळताच रेल्वे पोलीस आणि तिकीट तपासनीस पथकाने शोध मोहीम सुरू केली. मुख्य तिकीट तपासनीस रत्ना बेंडकोली यांच्या सतर्कतेमुळे आणि तत्परतेमुळे हरवलेला मोबाईल सापडला.