शहापूर (वार्ताहर) : शैक्षणिक वर्षाच्या सुरुवातीला मुंबईतील ब्लेस्सेड ग्रुप मालाड पूर्वच्या संस्थापक अध्यक्षा अनुजी चौधरी यांच्या माध्यमातून शहापूर तालुक्यातील साखरोली, टेंभुर्ली केंद्रातील ४५ जिल्हा परिषद शाळांमधील १,७०० विद्यार्थ्यांना दप्तरांचे वाटप करण्यात आले. वॉरियर कराटे क्लास आसनगाव येथे शाळा व्यवस्थापन समिती सदस्य या वेळी उपस्थित होते. साखरोली व टेंभुर्ली केंद्राचे केंद्रप्रमुख महेंद्र धिमते यांच्या विशेष प्रयत्नांमुळे हे वाटप यशस्वी झाले. पावसाळ्यात विद्यार्थ्यांची वह्या, पुस्तके व शैक्षणिक साहित्य भिजण्याची समस्या वाटपामुळे दूर झाली आहे. अतिशय दुर्गम, वाडीवस्तीवरील शाळांमध्ये बेस्सेड ग्रुपने हा उपक्रम राबवला होता.