ठाणे, ता. ९ : सर्वोच्च न्यायालयाच्या निर्णयानुसार ग्रॅच्युइटी तसेच गुजरात उच्च न्यायालयाने दिलेल्या निर्णयानुसार अंगणवाडी कर्मचाऱ्यांना शासकीय सेवेत कायम करा, अशा विविध मागण्यांसाठी अंगणवाडी कर्मचाऱ्यांनी महाराष्ट्र राज्य अंगणवाडी कर्मचारी संघाच्या नेतृत्वाखाली ठाणे जिल्हाधिकारी कार्यालयावर मोर्चा काढला होता.
अंगणवाडी कर्मचाऱ्यांना दरमहा पेन्शन योजना लागू करा, पूर्वीप्रमाणे टीएचआर वाटप करण्याचे शासकीय आदेश निर्गमित करून, फेश रेकगनेशनची अट बंद करण्यात यावी, टीएचआर बंद करून लाभार्थ्यांना खाण्यायोग्य आहार द्या, लाभार्थ्यांच्या आहारात तिपटीने वाढ करा, मुख्यमंत्री माझी लाडकी बहीण योजनेच्या भरलेल्या फॉर्मचे १०० टक्के प्रोत्साहन भत्ता देण्यात यावा, ऑक्टोबर २०२४ पासूनचा थकीत प्रोत्साहन भत्ता देण्यात यावा, आदी प्रलंबित मागण्यांसाठी ठाणे जिल्ह्यातील अंगणवाडी कर्मचाऱ्यांनी महाराष्ट्र राज्य अंगणवाडी कर्मचारी संघाच्या नेतृत्वाखाली मोर्चा काढला होता.