पारधी समाजातील युवकांनी
अर्ज करण्याचे आवाहन
मुंबई, ‍‍ता. १० : मुंबई शहर व मुंबई उपनगर जिल्ह्यातील पारधी समाजातील सुशिक्षित बेरोजगार युवकांनी व्यवसाय करण्यास अर्थ साहाय्य मिळण्यासाठी ३० ऑगस्ट २०२५ पर्यंत अर्ज करावेत, असे आवाहन एकात्मिक आदिवासी विकासाने केले आहे.
जिल्हा वार्षिक आदिवासी घटक कार्यक्रमाअंतर्गत पारधी समाजातील सुशिक्षित बेरोजगार युवकांना त्यांच्या निवडीनुसार व्यवसाय करण्यास अर्थ साहाय्य करण्यात येते. जिल्हा वार्षिक आदिवासी घटक कार्यक्रमाअंतर्गत मुंबई शहर जिल्हा आणि मुंबई उपनगर जिल्ह्यासाठी आर्थिक वर्ष २०२५-२०२६ साठी अनुदान उपलब्ध झाले आहे. या योजनेचा लाभ घेण्यासाठी मुंबई शहर आणि उपनगर जिल्ह्यातील पारधी समाजातील युवकांनी अर्ज करण्याचे आवाहन केले आहे.