पारसिकनगरातील बालकाला विजेचा धक्का
सकाळ वृत्तसेवा
ठाणे, ता. १२ : कळवा, पारसिकनगर येथे खेळताना आरव सतीश पवार या आठवर्षीय बालकाला ठाणे महापालिकेच्या विजेच्या खांबाला धक्का बसला आहे. यामध्ये त्याच्या उजव्या हाताला किरकोळ दुखापत झाली असून त्याची प्रकृती स्थिर आहे. ही घटना शुक्रवारी (ता. ११) रात्री सव्वानऊ वाजण्याच्या सुमारास समोर आली. कळवा, पारसिकनगर येथील साईनाथ चाळीत राहणारा आरव हा त्याच परिसरात खेळत होता. याचदरम्यान तेथील ठाणे महानगरपालिका पथदिव्याच्या खांबाचा त्याच्या हाताला धक्का लागला. ही बाब शत्रूगण या व्यक्तीने आपत्ती व्यवस्थापन कक्षेला दिली. त्यानंतर संबंधित विभागाच्या कर्मचाऱ्यांनी व अग्निशमन दलाच्या जवानांनी धाव घेतली. त्या ठिकाणी असलेल्या पथदिव्याच्या खांबाचा विद्युत पुरवठा तत्काळ खंडित करण्यात आला असून धोका टळला आहे. यामध्ये जखमी झालेल्या आरवला तत्काळ खासगी रुग्णालयात उपचारार्थ दाखल करण्यात आले होते. उपचारानंतर त्याला घरी सोडण्यात आले आहे.
..............