कारच्या धडकेत विद्यार्थिनी जखमी
सकाळ वृत्तसेवा
ठाणे, ता. १२ : वर्तकनगर येथून पायी घरी निघालेल्या भरधाव कारने विद्यार्थिनीला धडक दिल्याने जखमी झाली आहे. ही घटना बुधवारी (ता. ९) रात्री साडेनऊ वाजण्याच्या सुमारास घडली. याप्रकरणी अनोळखी कारचालकाविरोधात गुन्हा दाखल करण्यात आला आहे. या अपघातात जखमी झालेल्या मुलीचे नाव तन्वी गायकवाड असून तिच्या हाताला गंभीर दुखापत झाली आहे.
कॉसमॉस बिल्डिंगच्या समोरून रस्ता ओलांडत असताना देवदयानगरकडून निळकंठ सोसायटीकडे भरधाव कारने तिला धडक दिली होती. या अपघातानंतर कारचालक न थांबताच निघून गेला. याप्रकरणी त्या अनोळखी वाहनचालकाविरोधात गुन्हा दाखल केल्याची माहिती वर्तकनगर पोलिसांनी दिली.
.......