लोणावळा-पुणेदरम्यान आज १७ तासांचा विशेष ब्लॉक
मेल-एक्सप्रेसच्या वेळापत्रकात बदल
सकाळ वृत्तसेवा 
मुंबई, ता. १२ : खडकी रेल्वेस्थानकावर नव्या फलाटाच्या कामासाठी रविवारी (ता. १३) लोणावळा-पुणेदरम्यान मध्य रेल्वेतर्फे १७ तासांचा विशेष ब्लॉक घेतला जाणार आहे. यामुळे रविवारी मुंबईत ये-जा करणाऱ्या मेल/एक्स्प्रेस गाड्यांच्या वेळापत्रकात बदल केलेला आहे. 
हा ब्लॉक रात्री १२.०१ वाजता ते संध्याकाळी पाच वाजेपर्यंत असणार आहे. यादरम्यान   (११३०२) बेंगळूर-सीएसएमटी उद्यान एक्स्प्रेस ३० मिनिटे,  (१६३३२) तिरुअनंतपुरम-सीएसएमटी एक्स्प्रेस एक तास ३० मिनिटे,  (२०४९५) जोधपूर-हडपसर एक्स्प्रेस ४० मिनिटे,  (२२१९४) ग्वाल्हेर-दौंड एक्स्प्रेस ३० मिनिटांकरिता मधल्या स्थानकात थांबविण्यात येणार आहे. तसेच ( १११४०) हॉस्पेट-सीएसएमटी एक्सप्रेस, ( ११०२९) सीएसएमटी-कोल्हापूर एक्स्प्रेस पुणे स्थानकापर्यंतच चालविण्यात येणार आहे. तर (२२१५९) सीएसएमटी-चेन्नई एक्स्प्रेस  दुपारी एक वाजून ४५ मिनिटांनी,  (१७२२२) एलटीटी-काकीनाडा एक्सप्रेस दुपारी एक वाजून ४५ मिनिटांनी, (१६३३१) सीएसएमटी-तिरुअनंतपुरम एक्सप्रेस रात्री १०.३५ वाजता, (२२९४३) दौंड-इंदूर एक्स्प्रेस दुपारी ३.४० वाजता सुटणार आहेत आणि (११००८) पुणे-सीएसएमटी डेक्कन एक्स्प्रेस तिच्या निर्धारित वेळेपेक्षा दुपारी दीड तास उशिराने धावेल.