बेरोजगारांना १०० टक्के रोजगाराची संधी मिळवून देणार : अतुल म्हात्रे

रोहा, ता. १३ (बातमीदार) ः रायगड जिल्ह्यात सुशिक्षित बेरोजगार युवकांची संख्या दिवसेंदिवस वाढत आहे. त्यांना रोजगाराची संधी मिळत नाही. अशा सुशिक्षित तरुणांना त्यांच्या शिक्षणाची पात्रता पाहून विविध स्तरावर रोजगार मिळवून देण्यासाठी शेतकरी कामगार पक्षातर्फे जिल्ह्यात रोजगार मेळाव्याचे आयोजन करणार आहे. त्यामुळे पाच हजारांहून अधिक बेरोजगार तरुणांना रोजगाराची संधी मिळत आहे, असे प्रतिपादन शेकापचे खजिनदार अतुल म्हात्रे यांनी केले आहे.
रोहा तालुका शेकापच्या वतीने शनिवारी (ता. १२) रोह्यातील कुणबी भवन येथे रोजगार मेळाव्याचे आयोजन केले होते. याला अभूतपूर्व प्रतिसाद लाभला. या प्रसंगी व्यासपीठावर ज्येष्ठ नेते शंकरराव म्हसकर, जिल्हा चिटणीस सुरेश खैरे, आरडीसीसी बँकेचे संचालक गणेश मढवी, तालुका चिटणीस शिवराम महाबळे, हेमंत ठाकूर, संदेश विचारे, गोपीनाथ गंभे, मारुती खांडेकर, महिला आघाडीप्रमुख कांचन माळी, शेतकरी सभा अध्यक्ष अशोक घावटे, प्रफुल्ल घावटे, ॲड. रोशन पाटील, संतोष दिवकर, अमोल शिंगरे, विकी कदम यांच्यासमवेत शेकापचे पदाधिकारी, कार्यकर्ते व तरुण मोठ्या संख्येने उपस्थित होते.

फोटो कॅप्शन : रोहा येथे आयोजित बेरोजगार मेळाव्यात शेकाप खजिनदार अतुल म्हात्रे यांनी मनोगत व्यक्त केले.