कागदपत्रे दुरुस्ती मार्गदर्शन शिबिराला प्रतिसाद
मालाड, ता. १३ (बातमीदार) ः सफल विकास वेल्फेअर सोसायटी आणि राष्ट्र सेवा दल, मालवणी, काचपाडा यांच्या वतीने शनिवारी (ता. १२) मालाड पश्चिमेत कागदपत्रे दुरुस्ती मार्गदर्शन शिबिराचे आयोजन केले होते. या शिबिराला उत्‍स्‍फूर्त प्रतिसाद मिळाला. जवळपास ४० ते ४५ महिला-पुरुष या वेळी उपस्‍थित होते. याप्रसंगी महिलांनी अनेक प्रश्न विचारून त्यांच्या शंकांचे समाधान केले. तसेच कागदपत्रे बनवण्यासाठी अथवा दुरुस्तीसाठी कोणती प्रक्रिया करावी लागते, याबाबत माहिती दिली. आधार कार्ड, जन्म प्रमाणपत्र, पॅन कार्ड, मतदार ओळखपत्र, रेशन कार्ड व इतर महत्त्वाच्या कागदपत्रांबाबत या वेळी मार्गदर्शन करण्यात आले.