ट्रक-बस अपघात;
ट्रकचानक जखमी
घाटकोपर (बातमीदार) : विक्रोळी पूर्वेकडील महामार्गावरील टागोर नगर टी-जंक्शन सिग्नलजवळ आज सकाळी साडेसहा वाजता लाद्यांनी भरलेला ट्रक आणि खासगी बस यांच्यात भीषण अपघात झाला. या अपघातात ट्रक जागेवरच उलटून ट्रकचालक गंभीर जखमी झाला आहे. बसमधील चालक व प्रवासी सुरक्षित असून, दोन्ही वाहनांचे मोठे नुकसान झाले आहे. दरम्यान, ट्रकमधील लाद्या रस्त्यावर विखुरल्या गेल्याने काही काळ वाहतूक विस्कळित झाली होती.