प्रभादेवी, ता. १४ (बातमीदार) : बाप्पाची मूर्ती खास, सुंदर असावीच, पण निसर्गाशी सुसंगत असावी, अशी प्रत्येक गणेशभक्तांची इच्छा असते. याच अनुषंगाने लोअर परेल येथील मूर्तिकार पराग पारधी यांनी साकारलेल्या पर्यावरणपूरक गणेशमूर्तींना पसंती मिळत आहे.
कागदाच्या लगद्यापासून बनवलेली हलकी आणि पर्यावरणपूरक गणेशमूर्तींना सध्या सर्वाधिक पसंती मिळत आहे. विशेष म्हणजे, या मूर्तींसाठी वापरले जाणारे जुने वर्तमानपत्र, विद्यार्थ्यांनी वापरलेल्या वह्या आणि अडगळीतील कागदांपासून पराग पारधी यांनी बाप्पाच्या रूपात येतात. या मूर्ती केवळ सुबक नाहीत, तर वजनाने हलक्या असतात. पर्यावरणपूरक कागदाच्या लगद्यापासून बनवलेल्या गणेशमूर्तींना सर्वाधिक पसंती मिळत आहे.
----------------------------------
हस्तकलेला नवे बळ
श्रीमंत दगडूशेठ हलवाई, पद्मासनातील, म्हैसुरी, पेशवाई, चौरंगावरील अशा विविध रूपांत साकारण्यात येतात. प्रत्येक मूर्तीमागे एक कथा, एक भावना आणि एक कलाकुसर असते. यामुळे स्थानिक कारागिरांना रोजगार मिळतो. तसेच हस्तकलेला नवे बळ मिळते, असे पराग सांगतात.