भिवंडी (वार्ताहर) : यशवंतराव चव्हाण मुक्त विद्यापीठाच्या भिवंडीतील जी. एम. मोमिन महाविद्यालय उर्दू अभ्यास केंद्रातील एमए परीक्षेचा निकाल ९७.७७ टक्के लागला आहे.
विद्यार्थ्यांच्या या उल्लेखनीय कामगिरीनंतर केएमई सोसायटीचे अध्यक्ष अल्माझ फकीह, सचिव दानियल काझी, कोषाध्यक्ष फहद बुबेरे, रईस हायस्कूल आणि ज्युनियर कॉलेजचे अद्यक्ष यासेर तातली, प्राचार्य झिया-उर-रहमान अन्सारी, केंद्रप्रभारी सफा आगा, समन्वयक अब्दुल अझीझ अन्सारी यांनी यशस्वी विद्यार्थी व शिक्षकांचे अभिनंदन केले आहे. या उर्दू अभ्यासकेंद्राने घेतलेल्या एमए उर्दू अंतिम वर्षाच्या परीक्षेत एकूण ४५ उमेदवार होते. त्यापैकी ४४ विद्यार्थी यशस्वी झाले. २२ विद्यार्थी प्रथम श्रेणीत तर उर्वरित २२ उच्च श्रेणीत उत्तीर्ण झाले आहेत. या विद्यार्थ्यांमध्ये बेग अक्सा रियाज अहमदने ८०.७३ टक्के गुण मिळवून प्रथम क्रमांक पटकावला. मुहम्मद खुजैमा हिजाजी मुहम्मद तल्हाने ७९.८२ टक्के आणि अन्सारी फरहीन नियाज अहमदने ७९.६४ टक्के गुण मिळवून अनुक्रमे द्वितीय व तृतीय क्रमांक पटकावला आहे.