अंधेरी (बातमीदार)ः पगार दिला नाही म्हणून एका माजी सुरक्षा रक्षकाने कर्तव्य बजावणाऱ्या सुरक्षा रक्षकावर कोयत्याने हल्ला केला. या हल्ल्यात दीपक दुबे हा सुरक्षा रक्षक जखमी झाला असून, त्याच्यावर शताब्दी रुग्णालयात उपचार सुरू आहेत.
कांदिवलीतील मथुरादास रोड, केईएस लॉ कॉलेजजवळील भरत बिल्ला इमारतीमध्ये रविवारी (ता. १३) सकाळी सव्वासहाच्या सुमारास ही घटना घडली. दीपक आणि ललित हे दोघेही मूळचे उत्तर प्रदेशचे रहिवासी आहेत. दोघेही बोरिवलीतील भरत बिल्ला इमारतीमध्ये सुरक्षा रक्षक म्हणून कामाला होते, मात्र ललित कामात हलगर्जी करत असल्याने त्याला कामावरून काढून टाकण्यात आले होते, पण पगारावरून त्यांच्यात वाद सुरू होता. रविवारी सकाळी सव्वासहा वाजता पगारावरून ललितने दीपकवर कोयत्याने हल्ला केला होता.