मालाड (बातमीदार)ः दहिसर रेल्वेस्थानकाच्या पश्चिमेकडे जाहिरात फलकामुळे स्थानकाचे नाव झाकले गेल्याचे वृत्त ‘सकाळ’मध्ये प्रसिद्ध झाले होते. त्यानंतर अवघ्या काही तासांतच रेल्वे प्रशासनाने संबंधित ठिकाणावरील फलक हटवले होते. या फलकामुळे प्रवाशांना दहिसर स्थानकाचे फलक दिसत नसल्याने नवीन प्रवाशांना गैरसोयीचे होत होते. याबाबत महाराष्ट्र रेल्वे प्रवासी महासंघाकडून पश्चिम रेल्वे प्रशासनाला निवेदनही देण्यात आले होते. त्यानुसार रेल्वे प्रशासनाने तातडीने जाहिरात फलक हटवले आहेत.