कांदिवली (बातमीदार)ः महाराष्ट्राच्या जडणघडणीत प्रा. डॉ. एन. डी. पाटील यांचे मोठे योगदान आहे. त्यांच्या जयंतीचा सोहळा कांदिवली सह्याद्रीनगर येथील प्रा. डॉ. एन. डी. पाटील विद्यालयामध्ये पार पडला. या कार्यक्रमासाठी प्रमुख वक्ते म्हणून पनवेलच्या महात्मा फुले एएससी कॉलेजचे प्राध्यापक अतुल पोखरकर उपस्थित होते. या वेळी एन. डी. पाटील यांनी केलेल्या कार्याचा लेखाजोखा विद्यार्थ्यांसमोर मांडण्यात आला. महाराष्ट्रातल्या गोरगरीब शेतकरी, कामगार, उपेक्षितांचे नेते म्हणून त्यांची ओळख होती. रयत शिक्षण संस्थेचे चेअरमन झाल्यानंतर जवळजवळ १०८ विद्यालये त्यांनी सुरू केली. गोरगरिब, कष्टकरी, श्रमिक, कामगार, शेतकरी, आदिवासींच्या प्रश्नांसाठी अनेक आंदलने केली. कार्यक्रमाला मुख्याध्यापिका शिल्पा जरे, प्राथमिकचे मुख्याध्यापक उमाकांत जगताप उपस्थित होते.