रोहा लायन्स क्लब अध्यक्षपदी लक्ष्मण शिट्यालकर
रोहा, ता. १६ (बातमीदार) ः लायन्स क्लबची नूतन कार्यकारिणी जाहीर करण्यात आली. यात अध्यक्षपदी लक्ष्मण शिट्यालकर, उपाध्यक्षपदी मिलन शाहा, सेक्रेटरीपदी तेजल शहा, खजिनदार संपदा देशपांडे यांची निवड करण्यात आली.
शुक्रवारी (ता. ११) धाटाव येथे ५२वा पदग्रहण सोहळा उपजिल्हा प्रांतपाल एम. जे. एफ लायन प्रवीण सरनाईक यांच्या उपस्थितीत मावळते अध्यक्ष भाऊसाहेब माने यांच्या अध्यक्षतेखाली मोठ्या उत्साहात पार पडला. या वेळी व्यासपीठावर माजी जिल्हा प्रांतपाल पीएमजेएफ अनिल जाधव, जिल्हा उपप्रांतपाल प्रवीण सरनाईक, दुसरे जिल्हा उपप्रांतपाल विजयकुमार गणात्रा, जिल्हा समन्वयक जीएटी नमिता मिश्रा, लिओ जिल्हा प्रांतपाल रक्षण खान, प्रदेशाध्यक्ष पर्सन गिरीश म्हात्रे, झोन अध्यक्ष सुष्मिता शिट्याळकर, माजी अध्यक्ष भाऊसाहेब माने, नवे अध्यक्ष लक्ष्मण शिट्यालकर, लिओ अध्यक्ष श्रयेश पाटील यांसह मान्यवर व सर्व सदस्य उपस्थित होते.
यावेळी नवीन सहा सदस्यांना सदस्यत्वाची शपथ देण्यात आली. या वेळी उपस्थित मान्यवरांच्या हस्ते मजुरांच्या मुलांच्या शैक्षणिक कार्यासाठी शालेय बॅग आणि पांघरूण वाटप करण्यात आले. त्यानंतर माजी अध्यक्ष रवींद्र घरत, अनुप तलवार, नुरुद्दीन रोहावला, श्याम लोखंडे, रवींद्र लोखंडे यांसह लायन्स क्लबचे पदाधिकारी व उपस्थित मित्र परिवाराने नवनिर्वाचित अध्यक्षांचे अभिनंदन केले.

फोटो कॅप्शन : धाटाव येथील बैठकीत नवनिर्वाचित अध्यक्ष लक्ष्मण शिट्यालकर यांनी पदभार स्वीकारला.