कळव्यात बसथांब्यावर गर्दुल्यांचे अतिक्रमण
गैरसोयीमुळे प्रवाशांतून नाराजी; प्रशासनाचे दुर्लक्ष
कळवा, ता. १६ (बातमीदार) : कळव्यातील महात्मा फुले नगरजवळ असलेल्या बसथांब्यावर गर्दुल्ले आणि भिकाऱ्यांनी संसार थाटल्याने त्याचा त्रास प्रवाशांना सहन करावा लागत आहे. बससाठी थांबताना अनेक अडचणींचा नागरिकांना सामना करावा लागत आहे.
ठाणे महापालिका परिवहन विभागाने लाखो रुपये खर्च करून कळवा रेतीबंदर रस्त्यावर बसथांबे उभारले आहेत. त्याचा वापर प्रवाशांना न होता गर्दुल्ले व भिकारी करीत आहेत.
महात्मा फुले नगर प्रवेशद्वाराजवळ उभारलेल्या बसथांब्यावर समोरच असलेल्या सहकार विद्यालयातील विद्यार्थी व या परिसरातील प्रवासी प्रवास करीत असतात. सध्या पाऊस पडत असताना बससाठी लोकांना येथे थांबता येत नाही. येथील भिकाऱ्यांनी येथेच संसार थाटल्याने त्यांच्या कपड्यांमुळे आणि त्यांच्या साहित्यामुळे गैरसोय होत आहे.
बसथांब्यावरच जेवण केले जात असल्याने आणि याच ठिकाणी कचरा टाकला जात असल्याने बसथांबा परिसरात दुर्गंधी पसरली आहे. लाखो रुपये खर्च करून बांधलेल्या बसथांब्याकडे प्रशासनाचे दुर्लक्ष होत असल्याने नाराजी व्यक्त केली जात आहे. यासंदर्भात परिवहन विभागाशी संपर्क साधला असता तो होऊ शकला नाही.
--------------------------------
बसथांब्याचा गर्दुल्ले व भिकाऱ्यांनी वापर सुरू केल्याने आम्हाला रस्त्यावर उभे राहावे लागते. परिवहन प्रशासनाने हा प्रश्न तत्काळ सोडवावा.
- राजेश कदम, महात्मा फुले नगर, कळवा.
------------------------
MUM25E98422
MUM25E98423
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.