अन्न सेवा उद्योगात व्यवसाय वाढवण्यासाठी विशेष कार्यशाळा
बेलापूर येथे प्रशिक्षणाचे आयोजन
बेलापूर, ता. १६ : अन्न सेवा उद्योगातील उद्योजक, हॉटेल/रेस्टॉरंट मालक आणि नवउद्योजकांसाठी एक विशेष एकदिवसीय कार्यशाळा रविवार, २० जुलै रोजी आयोजिली आहे. कार्यशाळेत व्यवसायाच्या प्रत्येक टप्प्यावर सखोल मार्गदर्शन दिले जाणार आहे. यामध्ये हॉटेल, कॅफे, क्लाऊड किचन व ढाबा व्यवसायाचे नियोजन, ब्रँडिंग, स्थान धोरण, कर्मचारी धोरण, किचन व फ्लोअर व्यवस्थापन, विपणन व ग्राहक व्यवहारांविषयी मार्गदर्शन करण्यात येईल. पारंपरिक व आधुनिक व्यवसायातील बदल, तंत्रज्ञानाचा वापर, अन्न खर्चाचे नियोजन व शाश्वत व्यवसाय प्रारूप तयार करण्यावर विशेष भर दिला जाणार आहे.
या कार्यशाळेचा उद्देश केवळ माहिती देण्याचा नसून प्रत्येक सहभागी उद्योजकासाठी वैयक्तिक कृती योजना तयार करून देणे हासुद्धा आहे. नेटवर्किंग, अनुभवांची देवाणघेवाण आणि प्रशिक्षणानंतरच्या सुविधा हे याचे आणखी फायदे आहेत. फूड इंडस्ट्रीत स्वतःचा ठसा उमटवू इच्छिणाऱ्यांसाठी ही संधी महत्त्वाची ठरू शकते. हॉटेल व रेस्टॉरंट मालक, क्लाऊड किचन उद्योजक, कॅफे, ढाबा व फूड स्टॉल व्यावसायिक, फूड स्टार्टअप्स व फ्रँचायझी इच्छुक, नवउद्योजक व जे व्यवसाय सुरू करू इच्छितात यांच्यासाठी कार्यशाळा उपयुक्त आहे. कुठलीही व्यावसायिक पार्श्वभूमी नसणारेही कार्यशाळेत भाग घेऊ शकतात.

चौकट
कार्यशाळेतील महत्त्वाचे मुद्दे :
हॉटेल/रेस्टॉरंट व्यवसाय सुरू करताना आवश्यक २१ महत्त्वाचे टप्पे
क्लाऊड किचन - कमी गुंतवणुकीत जास्त परतावा मिळवण्याचे आधुनिक मॉडेल
स्विगी व झोमॅटोची कार्यप्रणाली, कमिशन व नफा वाढीचे तंत्र
फूड स्टॉल्स, ढाबा व कॅफे - स्थानिक स्तरावर प्रभावी व्यवसाय कसा उभारायचा
स्टाफिंग, किचन लेआऊट, पीओएस प्रणाली, इन्व्हेंटरी व फायनान्स नियोजन
फ्रँचायझी मॉडेल - विस्ताराची तयारी, गुंतवणूकदारांसाठी पिच

अधिक माहिती व नावनोंदणीसाठी संपर्क: ८९५६३४४४७२, ९१४६०३८०३१, ८४८४८११५४४
क्यूआर कोड
ठिकाण: ‘सकाळ भवन’, सीबीडी बेलापूर, प्लॉट क्र. ४२ बी, सेक्टर ११, नवी मुंबई.