धारावी (बातमीदार) : ग्रँट रोड विभागातील देहविक्रीय करणाऱ्या महिलांचे आरोग्य तसेच विविध प्रश्न भेडसावत आहेत. या महिलांना त्यांचे हक्क मिळवून देण्यासाठी ‘आशा दर्पण’ संस्थेच्या नेतृत्वात बुधवारी (ता. १६) आझाद मैदानात आंदोलन केले. जूनमध्ये पोलिसांनी ग्रँट रोड येथील एका इमारतीवर छापा टाकताना ४४ महिलांना ताब्यात घेतले. यानंतर सेक्स वर्कर्सचे काम करीत असलेल्या २० इमारती बंद करण्यात आल्या आहेत. या कारवाईमुळे सर्वोच्च न्यायालयाने २०२२ मध्ये दिलेल्या आदेशात मानवी तस्करीला प्रतिबंध, देहव्यापार सोडू इच्छिणाऱ्या महिलांचे पुनर्वसन करावे, १८ वर्षांपेक्षा जास्त वयाच्या आणि सन्मानाने काम करण्यास इच्छुक असलेल्या देहव्यापारासाठी अनुकूल परिस्थिती भारतीय संविधानाच्या कलम २१ नुसार लैंगिक कामगारांना सन्मानाने जगण्यासाठी अनुकूल परिस्थिती निर्माण व्हावी, या नियमांचे उल्लंघन केल्याचे आंदोलकांचे म्हणणे आहे.