मुरबाड, ता. १७ (वार्ताहर) : मुरबाडमध्ये शिवसेना, युवा सेना, महिला आघाडी, युवती सेना पदाधिकारी मेळावा रविवारी (ता. २०) सकाळी १०.३० वाजता मुरबाड-कल्याण या राष्ट्रीय महामार्गावर असलेल्या सरळगाव येथील कावेरी हाॅल येथे होणार आहे. या मेळाव्यात संघटना बांधणी, आगामी स्थानिक स्वराज्य निवडणुका आणि शिवसेना सभासद नोंदणी या विषयावर मार्गदर्शन होणार आहे. यासाठी शिवसेना नेते प्रकाश पाटील, शिवसेना उपनेते रूपेश म्हात्रे, नीलेश सांबरे, शिवसेना उपसचिव एकनाथ शेलार, आमदार विश्वनाथ भोईर, शांताराम मोरे, मुरबाड-कल्याण जिल्हाप्रमुख अरविंद मोरे, संपर्कप्रमुख भिवंडी लोकसभा मदनबुवा नाईक यांच्यासह अनेक मान्यवर मोठ्या संख्येने उपस्थित राहणार आहेत, अशी माहिती मुरबाड तालुका शिवसेनाप्रमुख कांतीलाल कंटे यांनी दिली आहे.