वसई (बातमीदार) : आगरी समाज विकास मंडळ, वसई प्रगती सहकारी क्रेडिट सोसायटी लिमिटेड, अर्नाळा आणि आगरी समाज विकास शिक्षण संस्था यांच्या संयुक्त विद्यमाने गुणवंत विद्यार्थी व गुणीजन सत्कार समारंभ व आगरी समाज विकास निधीवाटप कार्यक्रमाचे आयोजन उमेळमान आगरी समाज विकास शिक्षण संस्था येथे रविवारी (ता. २०) दुपारी दीडच्या सुमारास करण्यात आले आहे. या वेळी वनमंत्री तथा जिल्हा पालकमंत्री गणेश नाईक, तसेच आमदार ज्ञानेश्वर पाटील यांच्यासह अन्य मान्यवर उपस्थित राहणार असून, विद्यार्थ्यांचा गुणगौरव करणार आहेत. या कार्यक्रमाला उपस्थित राहण्याचे आवाहन आगरी समाज विकास शिक्षण संस्थेचे अध्यक्ष नारायण मानकर, आगरी समाज विकास मंडळाचे वसई तालुकाध्यक्ष भरत भोईर, वसई प्रगती सोसायटीचे अध्यक्ष अशोक पाटील यांनी केले आहे.