वसई-विरार महापालिका आयुक्तपदी एम. एम. सूर्यवंशी
विरार, ता. १८ (बातमीदार) : वसई-विरार महापालिका आयुक्तपदाची धुरा एम. एम. सूर्यवंशी यांच्याकडे देण्यात आली आहे. मावळते आयुक्त अनिलकुमार पवार यांची बदली झाली असून त्यांची मुंबई महानगर प्रदेश झोपडपट्टी पुनर्वसन प्राधिकरण, ठाणेच्या मुख्य कार्यकारी अधिकारीपदी नियुक्ती झाली आहे.
एम. एम. सूर्यवंशी हे महाराष्ट्र पर्यटन विकास महामंडळाच्या व्यवस्थापकीय संचालकपदी कार्यरत होते. त्याआधी महाराष्ट्र राज्य सहकारी आदिवासी महामंडळाची जबाबदारीही त्यांनी सांभाळलेली आहे. सूर्यवंशी २०१०च्या बॅचचे अधिकारी असून आयुक्त अनिलकुमार पवार यांच्याप्रमाणेच वसई-विरारकरांना एम. एम. सूर्यवंशी यांच्याकडूनही प्रचंड अपेक्षा आहेत.