उल्हासनगर, ता. १९ (बातमीदार) : काही महिन्यांत महापालिकेच्या निवडणुकीचा बिगुल वाजण्याची शक्यता आहे. त्या पार्श्वभूमीवर उल्हासनगर महापालिका हद्दीतील वडोल गावामधील सामाजिक संस्थांतील पदाधिकाऱ्यांनी कल्याण जिल्हाप्रमुख गोपाळ लांडगे यांच्या उपस्थितीत शिवसेनेत जाहीर प्रवेश केला आहे.
शिवसेनेचे मुख्य नेते उपमुख्यमंत्री एकनाथ शिंदे, खासदार डॉ. श्रीकांत शिंदे यांच्या कामांवर विश्वास ठेवून महानगरप्रमुख राजेंद्र चौधरी, विभागप्रमुख सुनीलसिंग हरपाल ऊर्फ कलवा यांच्या नेतृत्वाखाली वडोल गावातील हनुमंत म्हात्रे फाउंडेशनचे बिंदास म्हात्रे आणि एकविराआई महिला मंडळाच्या अध्यक्ष पूजा वर्मा यांनी त्यांच्या पदाधिकाऱ्यांसह शिवसेनेत प्रवेश केला. या वेळी कल्याण जिल्हाप्रमुख गोपाळ लांडगे, उपजिल्हाप्रमुख दिलीप गायकवाड, उपशहरप्रमुख कलवंतसिंग सोहता (बिट्टू), महिला आघाडी संघटक मनीषा भानुशाली उपस्थित होते.