विरार (बातमीदार) : आषाढी एकादशीनिमित्त यंगस्टार्स ट्रस्टने विवा काॅलेज येथे अभंग स्पर्धेचे आयोजन केले होते. स्पर्धकांची मोठी संख्या पाहून ही स्पर्धा दोन भागात घेण्यात आली. या कार्यक्रमात वय पाच ते ७५ या वयोगटातील स्पर्धक सहभागी झाले होते. त्यांनी एकापेक्षा एक अभंग सादर करून वातावरण विठ्ठलमय केले होते. १५० स्पर्धक सहभागी झाले होते. या स्पर्धेत प्रथम क्रमांक मनवा राऊत, द्वितीयसाठी ओम शिंदे, तृतीयसाठी उदयकुमार डांगे यांना बक्षिसे मिळाली आहे. रोमा ढाके हिला खास बक्षिसाने गौरविण्यात आले. बक्षीस समारंभ नुकताच जुने विवा काॅलेज येथे पार पडला. या वेळी मुख्याधापिका मुग्धा लेले, भूषण चुरी, तानाजी पाटील, मिलिंद पोंक्षे, स्मरणा शेट्ये, मानसी शिगवण, सुरेखा कुरकुरे यांनी मेहनत घेतली.