घाटकोपर, ता. १९ (बातमीदार)ः स्वच्छता सर्वेक्षणात मुंबईचा ३३ वा क्रमांक आहे. पहिल्या १० क्रमांकात येण्यासाठी मुंबई पालिकेला बराच पल्ला गाठायचा आहे. त्यामुळे प्रभागनिहाय स्वच्छ्ता अभियानाला सुरुवात केली आहे.
सखोल स्वच्छता अभियानअंतर्गत आज एन वॉर्ड पालिकेचे उपआयुक्त संतोष कुमार धोंडे, सहाय्यक आयुक्त गजानन बेल्लाळे यांच्या मार्गदर्शनाखाली घनकचरा व्यवस्थापन विभागाचे सहाय्यक अभियंता किरणसिंग पाटील यांच्या वतीने सर्व खात्यातील कर्मचारी, अधिकारी या स्वच्छता मोहिमेत उतरले. केंद्र सरकार तर्फे दरवर्षी स्वच्छता सर्वेक्षण राबवण्यात येते. आर्थिक राजधानी व सर्वात श्रीमंत महानगरपालिका म्हणून ओळख असलेल्या मुंबई महापालिकेने नव्याने स्वच्छता मोहिमेला सुरुवात केली आहे.
-------------------------------------
‘पिंक वुमन आर्मी’ तैनात
मध्यंतरी बाजार, स्थानक परिसर स्वच्छ राहण्यासाठी पालिकेने दुपारनंतर ‘पिंक वुमन आर्मी’ तैनात करण्यात आली होती. त्यानुसार प्रभाग १२८ मध्ये सकाळी ९ ते १२ यादरम्यान विविध भागांत स्वच्छता करण्यात आली. या वेळी स्वच्छतेबाबत नागरिकांना जागृत करण्यात येणार असल्याचे सहाय्यक अभियंता किरणसिंग पाटील यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.