पनवेलमध्ये ३५ कोटींचे अमली पदार्थ जप्त
बंगळूरच्या अमली पदार्थविरोधी पथकाने पनवेल रेल्वेस्थानकात शुक्रवारी (ता. १८) केलेल्या कारवाईत एका नायजेरियन महिलेला अटक केली. तिच्याकडून तब्बल दोन किलो कोकेन आणि दीड किलो एमडी असे तब्बल ३५ कोटी रुपयांचे अमली पदार्थ जप्त केले. ही महिला दिल्ली-एर्नाकुलम एक्स्प्रेसमधून प्रवास करीत असल्याचे तसेच तिच्याकडे मोठ्या प्रमाणात अमली पदार्थ असल्याची माहिती मिळाली होती. शुक्रवारी पहाटे पनवेल स्थानकावर गाडी येताच एनसीबी बंगळूर पथकाने पनवेल रेल्वे पोलिस आणि स्थानिक पोलिसांच्या मदतीने सापळा रचून संशयित महिलेला ताब्यात घेतले. झडतीत तिच्याकडे ३५ कोटींचे अमली पदार्थ सापडले.

...
न्हावा शेवामधून १३.१८ कोटींचे परदेशी सिगारेट जप्त
महसूल गुप्तचर संचालनालय (डीआरआय), मुंबई विभागीय पथकाने परदेशी बनावटीच्या सिगारेटची तस्करी करणाऱ्या एकास अटक केली आहे. गुप्तहेरांनी दिलेल्‍या माहितीच्या आधारे, डीआरआय अधिकाऱ्यांनी न्हावा शेवा बंदरात आलेले परदेशी सिगारेटचे १,०१४ कार्टन असलेले कंटेनर जप्त केले. त्याची भारतातील किंमत १३.१८ कोटी रुपये आहे.