उत्तर भारतीयांसाठी
काँग्रेसचे अभियान
मुंबई, ता. १९ : मुंबईतील उत्तर भारतीय समाजाला काँग्रेस हा मोठा आधार राहिला आहे. काही लोक उत्तर भारतीयांविरोधत आग ओकत असताना काँग्रेस मात्र या समाजाच्या पाठीशी खंबीरपणे उभी आहे. आगामी काळात उत्तर भारतीय समाजाला काँग्रेस पक्षाशी मजबूतपणे जोडण्याचे काम केले जाणार आहे. त्यासाठी ‘मुंबई विरासत मिलन’ अभियान सुरू करण्यात येत असल्याची माहिती मुंबई काँग्रेस अध्यक्ष खासदार वर्षा गायकवाड यांनी आज दिली. मुंबईतील विविध भागात कार्यक्रम आयोजित करून उत्तर भारतीय समुदायाची प्रसिद्ध ठिकाणे, मुंबईतील काँग्रेस पक्षाशी असलेले उत्तर भारतीयांचे नाते सर्वांपर्यंत पोहोचवण्यात येत आहे. ⁠उत्तर भारतीय सेल प्रत्येक जिल्ह्यात आणि नंतर प्रत्येक तालुक्यात अशा प्रकारचे कार्यक्रम आयोजित करणार असल्याचे त्यांनी सांगितले.