अंबाबाई प्रतिष्ठानतर्फे विद्यार्थ्यांचा गुणगौरव
कल्याण, ता. १९ : पिसवली येथील श्री अंबाबाई प्रतिष्ठान विविध सामाजिक कार्य करीत असते. माजी उपमहापौर मोरेश्वर भोईर यांच्या वाढदिवसानिमित्त प्रतिष्ठानतर्फे विविध कार्यक्रमांचे आयोजन करण्यात येत असते. बुधवारी (ता. १६) भोईर यांच्या वाढदिवसानिमित्त रविवारी (ता. १३) सकाळी आमदार सुलभाताई यांचे हस्ते दीपप्रज्वलन करून कार्यक्रमांची सुरुवात करण्यात आली. प्रतिष्ठानचे संस्थापक गिरीधर कुराडे, अध्यक्षा छाया कुराडे, सचिव शीतल खाडे, सविता पाटील, सुनीता यममे यांनी पुष्पगुच्छ देत स्वागत केले. आमदार सुलभाताई गायकवाड यांच्या हस्ते रक्तदात्यांना आकर्षक भेट वस्तू, ज्येष्ठ नागरिकांना छत्री तसेच गुणवंत विद्यार्थ्यांना शालेय साहित्य वाटप करण्यात आले. तसेच बारावी, पदवीधर विद्यार्थी तसेच कला, क्रीडा, मनोरंजन, शिष्यवृती, स्पर्धा परीक्षेत यश संपादन केलेल्या विद्यार्थ्यांचा गुणगौरव आणि सत्कार करण्यात आला. या वेळी आमदार सुलभा गायकवाड यांनी श्री अंबाबाई प्रतिष्ठानने आयोजित कार्यकामांचे कौतुक केले. म्हणाल्या महिलांनी पुढाकार घेत स्वत:च्या रोजच्या कामातून वेळ काढून हे कार्यक्रम राबविणे म्हणजे धैर्याचे काम आहे. महिलांनी आपल्या सुरक्षेबाबत काळजी घेत कार्य करण्याचे मार्गदर्शन केले. सध्या नवनवीन तंत्रज्ञान विकसित होत असल्यामुळे वि‌द्यार्थ्यांनी जास्त वेळ मोबाईलवर उपयुक्त नसलेल्या गोष्टींकडे लक्ष न देता योग्य तेच आत्मसात करावे, असे वि‌द्यार्थ्यांना मार्गदर्शन केले. आजरा अर्बन को-ऑप. बँक शाखा कल्याणचे व्यवस्थापक वैभव मुरकुटे व प्लाझ्मा ब्लड बँकेचे निमसे यांची कार्यक्रमाला उपस्थिती होती. सूत्रसंचालक भारत जाधव, संदीप सावेकर, संदीप चोथे, आप्पा पाटील, आप्पा सावंत, दीपक कळविकट्टे, अनिल गोडसे, मधुकर मोहिते, राजकुमार पाटील, प्रकाश लांडे, मोहन कातकर, संतोष कातकर, अमोल जाधव, परशुराम कुद्रे, समीर कुराडे, अशोक मोरे, रमेश सावंत व राजेंद्र माहभगत यांच्यासह श्री अंबाबाई प्रतिष्ठानच्या सर्व कार्यकर्त्यांचे सहकार्य लाभले.