मालाड (बातमीदार)ः मालवणी गेट क्रमांक ७ येथील पालिकेच्या शाळेच्या प्रवेशद्वारावरील सेल्फी पॉइंट गर्दुल्ल्यांसाठी आश्रयस्थान झाले आहे. या सेल्फी पॉइंटच्या मागे पालिकेची शाळा आहे. हजारो विद्यार्थी येथे शिकत आहेत. असे असताना गर्दुल्ल्यांचा वावर धोकादायक ठरण्याची शक्यता आहे. याबाबत सामाजिक कार्यकर्ते रवींद्र डोंगरे यांनी एक व्हिडिओ समाजमाध्यमात व्हायरल केला असून, अनुचित प्रकार घडू नये, यासाठी पोलिसांनी जातीने लक्ष घालण्याची विनंती केली आहे.