रायगडजवळ गाडीचा अपघात
१० पर्यटक किरकोळ जखमी

माणगाव, ता. २० (बातमीदार) ः पावसाळी पर्यटनासाठी किल्ले रायगड परिसरात आलेल्या एका खासगी बसचा माणगाव ते किल्ले रायगड मार्गावर घरोशी गावाच्या हद्दीत अपघात झाला. या अपघातात १० प्रवासी किरकोळ जखमी झाले आहेत.
पावसाळी पर्यटनासाठी पुणे येथून टाटा कंपनीचे कर्मचारी गडावर आले होते. परतीच्या प्रवासात अपघात झाला. या पर्यटकांची खासगी बस घरोशी गावाच्या हद्दीत पलटी झाली. यामुळे बसमधून प्रवास करणाऱ्या प्रवाशांपैकी १० प्रवासी किरकोळ जखमी झाले. या प्रवाशांना पाचाड येथील प्राथमिक आरोग्य केंद्रात उपचारासाठी दाखल करण्यात आले आहे. हा अपघात रस्त्यावर तीव्र उतार असल्याने गाडी घसरल्यामुळे झाला. अनिकेत आघाळ, किरण धाविल, आशीष आभोरे, तुकाराम चोपडे, भीमा कांबळे, तुळशीराम जाधव, शिवाजी जाधव, जान्हवी पारकर, माधुरी ठोबळ, दिव्या अहिरे अशी जखमींची नावे आहेत.