मालाड (बातमीदार)ः मालवणीतील सेंट अन्थोनी शाळेपासून १० मीटर अंतरावर मोबाईल टॉवर आहे. या शाळेत लहान मुले असल्याने त्यांच्यावर रेडिएशनचा दीर्घकालीन परिणाम होण्याची भीती आहे. या प्रकारामुळे सर्वोच्च न्यायालयाच्या मार्गदर्शक तत्त्वांचे देखील उल्लंघन होत आहे. त्यामुळे या मोबाईल टॉवरची तात्काळ चौकशी करण्यात यावी. तसेच नियमांचे उल्लंघन झाले असल्यास अधिकाऱ्यांवर शिस्तभंगात्मक कारवाई करण्यात यावी, अशी मागणी काँग्रेसच्या सामाजिक न्याय विभागाच्या दीपा वाघमारे चक्रवर्ती यांनी खासदार पियुष गोयल, आमदार अस्लम शेख यांच्याकडे केली.