पालिकेकडून खारघरमध्ये रोपलागवड
खारघर, ता. २१ (बातमीदार) : खारघर सेक्टर २७ आणि ३२ येथे पालिकेच्या उद्यान विभाग व इन्फिनिटी फाउंडेशनच्या वतीने रोपलागवड करण्यात आली. यामध्ये करंज, कदंब, कांचन, बहावा, आपटा अशा विविध दीडशेहून अधिक रोपांची लागवड केली. या उपक्रमात महापालिकेच्या उद्यान विभाग, इन्फिनिटी फाउंडेशन, पिल्लई अभियांत्रिकी महाविद्यालयाचे राष्ट्रीय सेवा योजना खारघरमधील रामशेठ ठाकूर माध्यमिक व उच्च माध्यमिक विद्यालय, कळंबोली येथील के.एल.ई. कला, वाणिज्य व विज्ञान महाविद्यालय आणि खारघरमधील सरस्वती अभियांत्रिकी महाविद्यालय आणि डी. वाय. पाटील एनएसएस राष्ट्रीय सेवा योजनेचे विद्यार्थी सहभागी झाले होते. हा उपक्रम पर्यावरणाच्या संवर्धनासाठी आयुक्त मंगेश चितळे, अतिरिक्त आयुक्त गणेश शेटे आणि उपायुक्त डॉ. वैभव विधाते यांच्या मार्गदर्शनाखाली पार पडले. या वेळी सहाय्यक आयुक्त डॉ. रूपाली माने, उद्यान विभागप्रमुख अनिल कोकरे, उद्यान पर्यवेक्षक नितीन राठोड, रूपेश चित्रूक, सहाय्यक उद्यान पर्यवेक्षक वैभव ठाकरे, इन्फिनिटी फाउंडेशन अध्यक्ष आयुफ अकुला, यश दुबे, प्रणय उसाटकर, समृद्धी पोटे, महिला विकास सचिव शीतल झांजे आदी सहभागी झाले होते.