विरार (बातमीदार) : जूचंद्र येथे भालचंद्र हरि भोईर फाउंडेशनतर्फे जन आरोग्य अभियानअंतर्गत मोफत महाआरोग्य शिबिराचे आयोजन नायगाव लोटस् हॉस्पिटल व डॉ. अग्रवाल्स आय हॉस्पिटल आणि क्रस्ना डायग्नोस्टिक्स लिमिटेड यांच्या संयुक्त विद्यमाने करण्यात आले होते. या शिबिराचे उद्‍घाटन डॉ. सचिन आणि डॉ. संध्या मुर्के यांच्या हस्ते झाले. या वेळी प्रमुख पाहुणे म्हणून विवेकानंद पाटील, रामचंद्र म्हाणे, चैतन होटल, राजीव सिंग, स्नेहा जावळे, डॉ. साबित्री गोरख, डॉ. पी. एम. चव्हाण, कुंवर विशाल सिंग, दीपक चौधरी, आनंद मिश्रा, फाउंडेशनचे संस्थापक शेखर भोईर आदी उपस्थित होते. जूचंद्रमधील छत्रपती शिवाजी महाराज चौक येथे २७ जुलै, सोमेश्वर नगर येथे ३ ऑगस्ट, हासोबा नगर येथे १० ऑगस्ट, चिंचोटी नाका येथे १७ ऑगस्ट, बापाणे नाका येथे २४ ऑगस्ट रोजी शिबिराचे आयोजन करण्यात आले आहे.