प्राथमिक शिक्षणाधिकारीपदी ललिता दहितुले रुजू
नवीन पनवेल, ता. २२ (बातमीदार)ः रायगड जिल्हा परिषदेच्या प्राथमिक शिक्षणाधिकारीपदी ललिता दहितुले यांची नियुक्ती झाली आहे. यापूर्वीच्या शिक्षणाधिकारी पुनीता गुरव यांची बदली झाल्याने त्यांच्या जागी ठाणे येथील शिक्षणाधिकारी ललिता दहितुले यांनी पदभार स्‍वीकारला. महाराष्ट्र राज्य आदर्श शिक्षक समितीच्या पदाधिकाऱ्यांनी त्यांची भेट घेऊन स्वागत केले. उपशिक्षणाधिकारी सुनील भोपळे, प्रशासन अधिकारी संजय कवतिके यांचीही विद्यार्थी व शिक्षकांच्या प्रश्नांसंबंधी चर्चा केली. या वेळी राज्याध्यक्ष प्रसाद म्हात्रे, जिल्हा कार्याध्यक्ष भालचंद्र पाटील, कोषाध्यक्ष सुशांत येसवारे, किशोर जाधव, पेण तालुकाध्यक्ष पांडुरंग म्हात्रे, पनवेल तालुकाध्यक्ष आनंद पाटील उपस्थित होते.