योगासन स्पर्धेत अनन्या पाटीलला दोन सुवर्णपदके
खारघर, ता. २३ (बातमीदार) : महाराष्ट्र योगासन स्पोर्ट्स असोसिएशन आणि रायगड जिल्हा योगासन स्पोर्ट्स असोसिएशनच्या वतीने आयोजित रायगड जिल्हा निवड चाचणी स्पर्धेत अन्यन्या पाटील हिने दोन सुवर्णपदके पटकावली. दिवेआगार येथे ही स्पर्धा रविवारी (ता. २०) आयोजित केली होती.
राजाराम स्पोर्ट्स अकॅडमीत सराव करणाऱ्या अनन्या पाटील हिने १४ ते १८ वयोगटात बॉडी ट्विस्टिंग आणि सुपायन या दोन प्रकारांमध्ये प्रथम क्रमांक पटकावत राज्यस्तरीय स्पर्धेसाठीची पात्रता निश्चित केली आहे. ऑगस्ट महिन्यात आयोजित राज्यस्तरीय स्पर्धेमध्ये ती रायगड जिल्ह्याचे प्रतिनिधित्व करणार आहे. अनन्या हिचे रायगड जिल्हा योगासन स्पोर्ट्स असोसिएशनचे सचिव उत्तम मांदारे यांनी कौतुक केले आहे. अनन्या राजर्षी छत्रपती शाहू महाराज कॉलेजमध्ये इयत्ता बारावीत शिक्षण घेत आहे.