लोकमान्य टिळकांना अभिवादन
डोंबिवली, ता. २४ (बातमीदार) ः लोकमान्य बाळ गंगाधर टिळक यांच्या जयंती दिनानिमित्त पालिका मुख्यालयात बुधवारी (ता. २४) कार्यक्रमाचे आयोजन केले होते. लोकमान्य टिळकांच्या प्रतिमेस आयुक्त अभिनव गोयल यांनी पुष्पहार अर्पण करून अभिवादन केले. या वेळी उपस्थित मुख्य लेखा व वित्त अधिकारी दिग्विजय चव्हाण, जनसंपर्क विभाग उपायुक्त संजय जाधव, सचिव किशोर शेळके, कार्यकारी अभियंता घनश्याम नवांगुळ, जयवंत विश्वास, जनसंपर्क अधिकारी माधवी पोफळे, सुरक्षा अधिकारी भरत बुळे, सहाय्यक सुरक्षा अधिकारी सुरेश पवार, सहाय्यक माहिती व जनसंपर्क अधिकारी सुमित बोयत तसेच कर्मचारीवर्ग यांनीदेखील लोकमान्य टिळक यांच्या प्रतिमेस पुष्प अर्पण केले. कल्याण (प) येथील टिळक चौकातील, लोकमान्य टिळक यांच्या पुतळ्यास उपआयुक्त प्रसाद बोरकर व संजय जाधव यांनी पुष्पहार अर्पण करून अभिवादन केले. डोंबिवली (पू) पारसमणी चौकातील लोकमान्य टिळक यांच्या पुतळ्यास सहाय्यक आयुक्त हेमा मुंबरकर व संजयकुमार कुमावत यांनी पुष्पहार अर्पण करून अभिवादन केले. या वेळी इतर कर्मचारीवर्गानेही लोकमान्य टिळक यांना अभिवादन केले.