अल्पवयीन मुलीवर
अत्याचारप्रकरणी गुन्हा
कर्जत, ता. २५ (बातमीदार) : तालुक्यातील १७ वर्षीय अल्पवयीन मुलीसोबत बळजबरीने शारीरिक संबंध ठेवल्याचा धक्कादायक प्रकार उघड झाला आहे. याप्रकरणी तरुणाविरोधात पोलिसांत ‘पोक्सो’नुसार गुन्हा दाखल करण्यात आला आहे. २२ वर्षीय आरोपी तरुण २०२२ पासून या मुलीला मानसिक व शारीरिक त्रास देत होता. याप्रकरणी मुलीच्या पालकांनी कर्जत पोलिस ठाण्यात दिलेल्या तक्रारीवरून २४ जुलै २०२५ रोजी गुन्हा दाखल झाला आहे. पोलिसांनी आरोपीला ताब्यात घेतले आहे. आरोपीचा दोन दिवसांपूर्वीच विवाह झाला असल्याचे सूत्रांनी सांगितले. याप्रकरणी पोलिस निरीक्षक संदीप भोसले यांच्या मार्गदर्शनाखाली सहाय्यक महिला पोलिस निरीक्षक मनीषा लटपटे या करत आहेत.