‘पांडवकड्या’वरून
तरुणाची सुटका
खारघर, ता. २५ (बातमीदार) : पांडवकडा धबधब्यावर अडकलेल्या तरुणाची अग्निशमन जवानांनी सुटका केली. विकास पांडे (वय २५, रा. खारघर) असे या तरुणाचे नाव आहे.
खारघर परिसरातील धबधबा, तलाव परिसरात जाण्यास मनाई करण्यात आली आहे. धबधब्याकडे जाणाऱ्या रस्त्यांवर मनाईचे फलक लावले आहेत. तरीही त्याकडे दुर्लक्ष करून शुक्रवारी (ता. २५) दुपारी खारघरमधील विकास पांडे हा तरुण पांडवकडा धबधब्यावर पावसाचा आनंद घेण्यासाठी गेला होता. दरम्यान, दुपारी झालेल्या मुसळधार पावसामुळे हा तरुण पाण्याचा प्रवाह वाढून अडकला होता. याची माहिती मिळताच जितेंद्र राजपूत, केतन पाटील, गुरुनाथ तांडेल, कुणाल पाटील, निशिकांत पाटील, विकास सूर्यवंशी, गोविंद गडगे आदी अग्निशमन जवानांनी या तरुणाला सुखरूप बाहेर काढले.