द्वारका विद्यालयाचा किल्ल्यांच्या प्रतिकृतीसमोर दीपोत्सव
कल्याण, ता. २६ ः ऐतिहासिक वारसा जपण्यासाठी गड-किल्यांचे जतन व संवर्धन काळाची गरज आहे. हा संदेश पोहोचविण्यासाठी तसेच छत्रपती शिवरायांचे १२ किल्ले युनेस्को जागतिक वारसा यादीत समाविष्ट झाल्याने हा आनंद साजरा करण्यासाठी पूर्वेतील द्वारका विद्यालयाच्या विद्यार्थ्यांनी अनोखा दीपोत्सव साजरा केला. विद्यार्थ्यांनी या किल्ल्यांच्या प्रतिकृती साकार करून दिव्यांची आरास करीत दीपोत्सव साजरा केला.
या वेळी संस्थापक दत्तात्रय दळवी, संचालिका तथा मुख्याध्यापिका मीरा दळवी, नूतन विद्यालयाच्या मुख्याध्यापिका रोटरीयन रेश्मा सय्यद, राम मराठे, अमोल कामत, केडीएमसी ड वॉर्डचे प्रभाग अधिकारी उमेश यमगर, स्टडी वेव्ह्ज बहुद्देशीय संस्थेचे संस्थापक उमाकांत चौधरी, समाजसेविका वर्षा कळके, ज्येष्ठ शिक्षक राजाराम पाटील, दै. ‘सकाळ’ मार्केटींग विभागाचे प्रतिनिधी सचिन हरड, विद्यालयाच्या व्यवस्थापिका सीमा दळवी, माध्यमिक विभागाच्या मुख्याध्यापिका गौरी देवधर, प्राथमिकचे मुख्याध्यापक प्रकाश धानके आदी मान्यवर उपस्थित होते.