रोहा, ता. २७ (बातमीदार)ः तालुक्यातील रोठ (खुर्द) येथील सुप्रसिद्ध रांगोळीकार रूपेश कर्णेकर यांनी स्वतःच्या कलेतून जगाचे लक्ष वेधले आहे. त्यांनी साकारलेल्या रांगोळीची युनो तसेच लंडन बुक वर्ल्ड रेकॉर्डमध्ये नोंद झाली आहे.
३५० व्या शिवराज्याभिषेक सोहळ्यानिमित्त रोह्यातील भुवनेश्वर मैदानावर १६ एप्रिल २०२४ रोजी रूपेश कर्णेकर यांनी भव्य रांगोळी साकारली होती. १,२५,००० स्क्वेअर फूट क्षेत्रफळावर छत्रपती शिवाजी महाराजांचा अभिषेक सोहळा आकर्षक आणि तपशिलात सादर करण्यात आला होता. या विक्रमीची नोंद युनो व लडंन बूक ऑफ वर्ल्ड रेकॉर्डने घेतली आहे. या कामगिरीमुळे रायगड जिल्ह्यासह महाराष्ट्राचा अभिमान उंचावला आहे.