माजी नगरसेविकांचा
शिवसेनेत प्रवेश
सकाळ वृत्तसेवा
ठाणे, ता. २७ : मुंबई महापालिकेतील मालाड पश्चिम येथील काँग्रेसच्या माजी नगरसेविका सलमा आलमेलकर आणि मानखुर्द शिवाजीनगर येथील समाजवादी पक्षाच्या माजी नगरसेविका आयेशा नूरजहान रफिक शेख यांनी रविवारी (ता. २७) ठाण्यात एका कार्यक्रमात शिवसेना पक्षात (शिंदे गट) उपमुख्यमंत्री एकनाथ शिंदे यांच्या उपस्थितीत जाहीर प्रवेश केला. शिंदे यांनी मुस्लिम समाजातील दोन लाडक्या बहिणी शिवसेनेत प्रवेश करीत आहेत, ही आनंदाची बाब आहे, असे मत व्यक्त केले.
दोन माजी नगरसेविकांसह सलीम आलमेलकर, रियाझ बिराजदार, सोहेल आलमेलकर, नसरीन आलमेलकर, रेहमान खान, आशा राजपूत, रफिक शेख, जावेद शेख, इम्रान खाटीक, अर्शद कुरेशी, शफीक कुरेशी, हसनैन कुरेशी, शफीक शेख, मुन्ना कुरेशी व अनेक पदाधिकाऱ्यांनीदेखील शिवसेनेत जाहीर प्रवेश केला. या वेळी शिवसेना सचिव राम रेपाळे, माजी महापौर रमेश वैती, माजी नगरसेवक जयेश वैती, माजी नगरसेवक शरद कणसे, माजी नगरसेवक किरण लांडगे आदी पदाधिकारी उपस्थित होते.