काळू नदी धबधब्यावरून
२०० जणांची सुटका
टोकावडे, ता. २७ (बातमीदार) : मुरबाड तालुक्यातील काळू नदीच्या धबधब्याच्या परिसरात मुसळधार पावसामुळे नदीला पूर आल्याने २०० पर्यटक नदीच्या पलीकडे अडकले होते. त्यांची शनिवारी (ता. २६) रात्री सुखरूप सुटका करण्यात आली आहे.
सहाय्यक पोलिस निरीक्षक शीतलकुमार नाईक यांच्या नेतृत्वाखाली टोकावडे पोलिस ठाण्याचे पथक व स्थानिक ग्रामस्थांनी घटनास्थळी धाव घेऊन बचावकार्य केले. दुपारी तीन वाजल्यापासून हे पर्यटक अडकले होते. सायंकाळी उशिरा त्यांची सुटका करण्यात आल्याचे टोकावडे पोलिसांनी सांगितले.