ज्ञान विकास विद्यालयाच्या विद्यार्थ्यांचे सुयश
नवी मुंबई ः २०२४-२५ या शैक्षणिक वर्षात झालेल्या पूर्व उच्च प्राथमिक शिष्यवृत्ती परीक्षेत कोपरखैरणे येथील ज्ञान विकास प्राथमिक विद्यालयाचे एकूण २० विद्यार्थी ठाणे जिल्हा गुणवत्ता यादीत झळकले आहेत. हे यश अत्यंत उल्लेखनीय मानले जात असून, संपूर्ण शाळेसाठी आणि पालकांसाठी अभिमानास्पद ठरले आहे. या गुणवंत विद्यार्थ्यांची नावे पुढीलप्रमाणे आहेत, श्रेयश शिंदे, आराध्या सावंत, वैष्णवी डपळ, श्लोक शेलार, ईश्वरी संकपाळ, रोहित शिंदे, अनुष्का आंधळे, प्रीतम जाधव, समर्थ कदम, प्रांजल घागरे, रुद्र देशमुख, शुभ्रा चौधरी, आरव घराळ, नीती कांबळे, आयुष वाशिवले, ईश्वरी वेंदे, प्रेम कदम, वैष्णवी जाधव, सर्वेश साळुंखे, श्रेयश साळुंखे अशी आहेत. या सर्व विद्यार्थ्यांचे कौतुक संस्थेचे संस्थापक अध्यक्ष अ‍ॅड. पी. सी. पाटील, अध्यक्ष प्रसाद पाटील, उपाध्यक्ष राम पाटील, सचिव चंद्रकांत पाटील, खजिनदार विद्यानंद पाटील तसेच प्रशासकीय अधिकारी बिडवे आणि मुख्याध्यापक जगन्नाथ दळवी यांनी केले आहे. या विद्यार्थ्यांना शिक्षक संध्या वेटा, जयश्री बागडे, प्रदीप म्हात्रे व बोडके यांचे उत्कृष्ट मार्गदर्शन लाभले. विद्यार्थ्यांचा सातत्यपूर्ण अभ्यास, नियोजनबद्ध तयारी, सराव, शिक्षकांचे सहकार्य व पालकांचा पाठिंबा यामुळे हे यश शक्य झाले.