नवी मुंबई, ता. २९ (वार्ताहर) : महिला शिक्षिकेने इन्स्टाग्रामच्या माध्यमातून दहावीत अल्पवयीन विद्यार्थ्यासोबत अश्लील वर्तन केल्याचा गंभीर प्रकार उघडकीस आला आहे. या प्रकरणात कोपरखैरणे पोलिसांनी महिला शिक्षिकेला अटक केली आहे.
उलवेमध्ये राहणाऱ्या महिला शिक्षिकेने दहावीतील विद्यार्थ्यासोबत इन्स्टाग्रामवर चॅटिंग केले होते. या शिक्षिकेने विद्यार्थ्याला स्वतःचे अर्धनग्न शरीर दाखवून अश्लील वर्तन केले होते. पीडित विद्यार्थ्याने हा व्हिडिओ रेकॉर्ड करुन मोबाईलमध्ये ठेवला होता; पण मुलाच्या आईने मोबाईल फोनची तपासणी केली असता, शिक्षिकेचा व्हिडिओ निदर्शनास आला. याबाबत मुलाकडे चौकशी केल्यानंतर शिक्षिकेनेच संपर्क साधून हा व्हिडिओ पाठवल्याची माहिती समोर आली. याप्रकरणी कोपरखैरणे पोलिस ठाण्यात तक्रार दाखल झाल्यानंतर शिक्षिकेविरोधात पोक्सो कायद्यानुसार गुन्हा दाखल झाला.