घरफोडी करण्यास चोवीस तासात अटक
एक लाख ३८ हजारांचा मुद्देमाल हस्तगतः ठाणे ग्रामीण पोलिसांची कामगिरी
सकाळ वृत्तसेवा
ठाणे, ता. २ : घर फोडून सुमारे दीड लाखांचे सोने-चांदीच्या दागिन्यांसह रोख रक्कम घेऊन पोबारा करणाऱ्या गणेश डगळे (वय २२) या चोरट्याला ठाणे ग्रामीण पोलिसांच्या स्थानिक गुन्हे शाखेच्या पथकाने जेरबंद केले. हा गुन्हा २४ तासात उघडकीस आणला. या गुन्ह्यातील एक लाख ३८ हजारांचा मुद्देमालही त्याच्याकडून हस्तगत केल्याची माहिती ग्रामीण पोलिसांनी दिली.
वाशिंद पूर्व येथील तक्रारदार सागर उबाळे (वय ३७) हे पत्नीसह मंगळवारी (ता. २९) बाहेर गेले होते. याचदरम्यान चोरट्याने घराचे कुलूप कोयंडा उचकटून कपाटामधील सोने-चांदीचे दागिने आणि रोख रक्कम असा एक लाख ४६ हजार ५०० रुपये इतका ऐवज चोरीला गेला. याप्रकरणी बुधवारी (ता. ३०) गुन्हा दाखल झाल्यानंतर कोणतेही धागे दारे नसताना ग्रामीण पोलिसांच्या स्थानिक गुन्हे शाखेचे वरिष्ठ पोलिस निरीक्षक सुरेश मनोरे यांच्या पथकाने गणेश डगळे याला ताब्यात घेतले.