‘भगव्याचा अपमान खपवून घेणार नाही’
युवसेना कार्याध्यक्ष पूर्वेश सरनाईक यांचा इशारा
सकाळ वृत्तसेवा
ठाणे, ता. २ : हिंदुत्व आणि सनातन धर्माबाबत चुकीची वक्तव्य केली तर आम्ही निश्चितच त्याचा निषेध व्यक्त करू. भगवा आमचा मान, सन्मान, अभिमान आहे. त्याला कोणी ठेच पोहचवत असेल तर अजिबात खपवून घेतले जाणार नाही, असा इशारा शिवसेना शिंदे गटाचे युवसेना कार्याध्यक्ष पुर्वेश सरनाईक यांनी दिला.
माजी मुख्यमंत्री पृथ्वीराज चव्हाण यांनी मालेगाव बॉम्बस्फोटाचा निकाल अपेक्षित होता. परंतु, माझी हात जोडून विनंती आहे, भगवा दहशतवाद हा शब्द वापरु नका. त्याऐवजी हिंदुत्ववादी दहशतवाद किंवा सनातनी दहशतवाद म्हणा. दहशतवादाला धर्म, रंग काहीही नसते. त्यामुळे त्याला कुठलाही रंग देऊ नका, असे त्यांनी म्हंटले होते.
त्यावर पूर्वेश सरनाईक यांनी पंतप्रधान नरेंद्र मोदी, गृहमंत्री अमित शहा यांचा आम्हाला सार्थ अभिमान आहे. आगामी काळात अशी हिंदुत्व आणि सनातन धर्माबाबत चुकीची वक्तव्य केली तर आम्ही निश्चितच त्याचा निषेध व्यक्त करू. भगवा आमचा मान, सन्मान, अभिमान आहे. त्याला कोणी ठेच पोहचवत असेल तर अजिबात खपवून घेतले जाणार नाही, असा इशारा यावेळी दिला. यावेळी ठाणे शहरातील युवासैनिक व युवतीसेना मोठ्या संख्येने उपस्थित होते.