रिपब्लिकन सेना शहर अध्यक्षपदी पंढरीनाथ गायकवाड
ठाणे शहर, ता. ३ (बातमीदार) ः रिपब्लिकन सेना पक्षाचे राष्ट्रीय अध्यक्ष सरसेनानी आनंदराज आंबेडकर यांनी पंढरीनाथ गायकवाड यांची रिपब्लिकन सेना ठाणे शहर अध्यक्षपदावर नियुक्ती केली आहे. रिपब्लिकन सेनेने शिवसेना (एकनाथ शिंदे) पक्षासोबत नुकतीच युती केली आहे.
पंढरीनाथ गायकवाड यांची आंबेडकरी समाजातील काम पाहता रिपब्लिकन सेनेचे ठाणे जिल्हाध्यक्ष आबासाहेब चासकर यांच्या शिफारसीनुसार आंबेडकर यांनी त्यांच्यावर ठाणे शहर (जिल्हा) अध्यक्ष पदाची जबाबदारी सोपविली. याप्रसंगी रिपब्लिकन सेना पक्षाचे राष्ट्रीय सरचिटणीस संजीव बावधनकर, महाराष्ट्र प्रदेश सचिव विनोद काळे, महाराष्ट्र प्रदेश नेते प्रा. सुनील वाकेकर, विद्यार्थी सेना मुंबई अध्यक्ष आशीष गाडे, ठाणे जिल्हा कार्यालय प्रमुख विनायक कांबळे, ठाणे जिल्हा सल्लागार डॉ. पद्माकर तायडे, रिपब्लिकन कामगार सेनेचे नवी मुंबई ठाणे जिल्हा अध्यक्ष शंकर खोपडे, रिपब्लिकन कामगार सेना ठाणे जिल्हा सरचिटणीस भिमराव गवई, रिपब्लिकन कामगार सेना ठाणे जिल्हा उपाध्यक्ष शेषराव आडे, ठाणे जिल्हा उपाध्यक्ष प्रवीण मिर्के, ठाणे जिल्हा उपाध्यक्ष उत्तम शिनगारे, ठाणे जिल्हा उपाध्यक्ष श्रीरंग कनकुटे, ठाणे जिल्हा सचिव राम गायकवाड, वाशी एपीएमसी मार्केट युनिट अध्यक्ष अनंत पारदुले, सचिव विनित उबाळे, उल्हासनगर शहर (जिल्हा) अध्यक्ष ॲड. महेंद्र निकम आदी पदाधिकारी उपस्थित होते. या वेळी गायकवाड यांना ठाणे शहरातील संपूर्ण प्रभाग कमिट्या बांधण्याचे आदेश देत आगामी पालिका निवडणुकीच्या तयारीला लागण्याचे निर्देश आंबेडकर यांनी दिले आहेत.